Inallukoy ti Department of the Interior and Local Government (DILG) dagiti local government unit (LGUs) manipod Region 1 agingga Region 4 nga agtalinaed nga alerto.
Segun ti DILG, rumbeng a maipatungpal ti kritikal a panagsagana kadagiti potensyal a ginggined ken tsunami iti baet ti panangipakaammo ti Philippine Institute of Volcanology and Seismology (PHIVOLCS) a bimmaba dagiti mairerekord a ginggined iti Manila Trench.
Binilin ni DILG Secretary Jonvic Remulla dagiti local chief executives a makitaripnongda kadagiti Local Disaster Risk Reduction and Management Councils (LDRRMC) tapno makaisayangkat ti Pre-Disaster Risk Assessments kas maibasar ti manual Operation LISTO.
Inalerto ti DILG iti publiko kangrunaan kadagiti agnanaed kadagiti lugar nga adda baybayna nga agalibtak nu makakita it6i pagilasinan iti tsunami.
