Pinasingkedan ti Department of the Interior and Local Government (DILG) a narigat a mapasamak iti Pilipinas ti napasamak a kilos-protesta idiay Nepal.
Segun ken ni DILG Sec. Jonvic Remulla, nangisayangkatdan ti command conference tapno aglatag ti contingencies iti posible nga anti-corruption protests.
Kasaruno dayta iti insayangkat a kilos protesta dagiti grupo a Tindig Pilipinas, Nagkakaisa, Kalipunan ng Kilusang Masa, ken Siklab sa EDSA Shrine tapno kondenaren ti flood control projects.
Binilin ti secretary iti Philippine National Police (PNP) a mangipatungpal ti maximum tolerance kagiddan dagiti protesta.
Kinuna ti secretary a numan pay bigbigenda iti karbengan nga ipanawagan ti accountability wenno panangdusa kadagiti karaman iti korapsyon ket rumbeng a saan nga agtungpal iti kinaranggas.
Maipalagip a sangapulo ket siam a tattao iti natay iti kilos-protesta idiay Nepal gapu iti isyu ti korapsyon.
