Pinagkedkedan ti Korte Suprema ti kiddaw a Temporary Restraining Order (TRO) ken status quo ante order a gagemna a mangpilit ti Senado ken ti Senate Blue Ribbon Committee a pagtalinaeden ken iyir-ruar dagiti original a draft report ti imbestigasion da iti maanomalya a flood control projects.
Imbes nga agirruar ti TRO, imbilin ti Korte Suprema dagiti miembro ti Senate Blue Ribbon Committee nga agipasa ti komento da iti uneg ti sangapulo ket lima nga aldaw.
Dagiti abogado a da Atty. Eldrige Marvin Aceron, Sikini Labastilla, ken Purificacion Bartolome-Bernabe ti nangipila ti petision a madamus ken certiorari tap[no obligaren ti komite nga iyir-ruar ti saan pay na-edit wenno buo a bersion ti draft partial report.
Ngem segun ti komite, saan pay nga opisial ti partial report ken proprotektaran daytoy ti deliberative process privilege.
