Sinuportaran ti mayorya ti Senado ti tignay ni Acting Sergeant-at-Arms Mao Aplasca iti napasamak a shooting incident idi Mayo 13.
Naipadamag a ni Aplasca ti immuna a nagpaputok ti warning shot kontra iti ahente ti National Bureau of Investigation iti GSIS building, banag a kinumpirma met ti retired police official.
Segun ken ni Senador Jinggoy Estrada, “justifiable” ti nagbalin a tignay ni Aplasca gapu iti pangta ti panagserrek ti NBI iti abet ti panangpasigurado a saan a matiliw ni Senador Bato Dela Rosa bayat a nakaipasidong idi iti protective custody ti Senado.
Pinasingkedan ni Estrada a makapadudua ti presensya ti NBI iti lugar iti baet ti kumpirmasion mismo da Senate President Alan Peter Cayetano ken DILG Sec. Jonvic Remulla nga awan ti direktiba a kemmegen Senador Ronald Bato Dela Rosa.
Inlawlawag ti senador a ti panangibaga na nga ilemmeng ti CCTV ket kayat na sawen iti dagus a panag-secure kadagiti footages tapno agserbi nga ebidensia kadagiti maisayangkat nga imbestigasion.
