Agtultuloy latta iti imbestigasyon dagiti otoridad kalpasan iti pannakakemmeg ti maysa a suspek a nangpaltog-nangpapatay iti maysa a baket idiay Barangay Puerta Real, Sto. Domingo, Ilocos Sur idi June 24.
Iti pannaki-uman ti Bombo Radyo Vigan ken ni PCol. Agosto Asuncion a Provincial Director iti Ilocos Sur Police Provincial Office (ISPPO), ti nakemmeg a suspek ket naduktalan nga agnaed iti ili ti San Ildefonso.
Segun ken ni Asuncion, saanda pay laeng a masigurado no miembro ti suspek iti gun-for-hire group karamananen ti mapapati a kaduana a shooter nga iti agdama ket agtultuloy a masapsapul ta nakalibas ket mapapati nga awanen iti probinsia.
No pay kasta, ket manarimaan ti panangtakuatda iti posibilidad nga adda pakainaigan ti suspek ken kaduana kadagiti dadduma pay a naglabas a shooting incident iti probinsia ngem agtultuloy iti panagtakuat dagiti otoridad.
Iti naisayangkat a search warrant kontra iti suspek ket naala kenkuana iti motorsiklo a naaramat a naglugananda iti kaduana idi insayangkatda iti krimen pakairamanan ti helmet, jacket ken badoda a naipada kadagiti nakita iti CCTV footage.
Naala pay kenkuana iti paltog a caliber .45 ken cal . 38 nga ita ket naipasan ti collective pieces evidence ken naipasadan ti specimen iti Provincial Forensic Unit wenno Crime Laboratory para ti cross-matching iti ballistics tapno maammoan babaen ti testing tapno makaala ti ebidensya para kadagiti naglabas a shooting incident.
Iti agdama ket saan nga agsarsardeng dagiti pannakabagi ti linteg nga amwen no ania iti motibo iti nasao a pammaltog nga agtultuloy latta iti imbestigasyon nga isaysayangkatda.
