Inrekomendar ni dati a senador Antonio Trillanes IV ti panangidaulo ti National Bureau of Investigation (NBI) ken Criminal Investigation and Detection Group (CIDG) iti imbestigasion iti napasamak a panagpaputok ti paltog iti Senado.
Segun ken ni Trillanes, adda kabaelan ken resources dagiti nadakamat nga opisina nga agisayangkat ti imbestigasion mainaig iti aktwal a napasamak.
Iti baet a karaman dagiti ahente ti NBI iti panagpaputok ti paltog, mapagtalkan latta ti opisina nga agisayangkat ti impartial investigations iti tulong ti CIDG, manipud iti forensic report agingga iti panag-trace kadagiti napasamak sakbay, mannarimaan ken nalpas ti insidente.
Impaganetget ni Trillanes nga awan ti kabaelan ti Office of the Sergeant-At-Arms nga agisayangkat ti imbestigasion no kas bilang ibilin ti Senado nga agimbestigar.
Mamati pay ti dati a senador a masapul nga adda madusa iti napasamak a panaglibas ni Senador Ronald Bato Dela Rosa manipud iti Senate premises iti baet a nakaipasidong isuna iti senate custody.
