Binilin ti Department of the Interior and Local Government (DILG) dagiti mayor ken gobernador iti Ilocos Region, Cagayan Valley, ken Cordillera Administrative Region a mangisayangkat iti preemptive evacuations kadagiti barangay gapu ti Severe Tropical Storm “Nika”.
Manamnama a ti bagyo ket lumasat kadagiti lugar nga inapektaran dagiti bagyo a Kristine, Leon, ken Marce.
Impaganetget ti DILG ti kasapulan a dagus a sungbat, iti Department of Environment and Natural Resources (DENR) tapno ma-identified dagiti high-risk areas.
Nakasaganan dagiti maseknan nga ahensia a mangipaay iti tulong kadagiti lugar a maapektaran iti Bagyo Nika.
Agsagsagana met ti DILG para iti 10-day event, gapu ta manamnama a sumrek ti dua pay a tropical cyclone Ofel ken Pepito, iti Philippine Area of ​​Responsibility.
