Nagbalaag ti Department of the Interior and Local Government (DILG) kadagiti kameng ti Bureau of Fire Protection a karaman iti maaw-awagan nga “slot for sale” a modus.
Daytoy ket iti tengnga ti nationwide recruitment para iti nasurok 2, 000 a bakante a posision iti ahensia.
Mainaig daytoy ti makitkita a kaso no sadino maysa a personnel ti Bureau of Fire Protection (BFP) nga adda ranggo na a Senior Fire Officer 1 ti maipagarup a nangidiaya ti maysa nga aplikante kasukat ti P300, 000.
Addan iti Criminal Investigation and Detection Group (CIDG) ken agdama a nakabalud ti suspek ken sumansango ti kaso a robbery extortion.
Segun ken ni Interior Secretary Jonvic Remulla, seryoso ti kampania da a dalusan ti ahensia kontra iti korapsion ken siguradoen da a madusa ti sinuman a mapaneknekan a karaman.
