Aminado ni Department of Education Secretary Sonny Angara a saan a nakasagana ti ahensia kadagiti school shooting incident.
Pinasingkedan ni Angara a masapul da nga agaramid ti maysa nga interagency task force a mangsukisok kadagiti gap iti seguridad kadagiti pagadalan ken risuten ti mental health concerns dagiti estudyante.
Daytoy ket kasaruno iti napasamak manen a pammaltog iti maysa a pagadalan idiay South Cotabato a nakatayan dagiti tallo nga indibidwal ken nakadunoran pay ti saan a bumaba iti sangapulo.
Pagtitiponen ti task force ti Department of Education (DepEd), Philippine National Police, ken Department of the Interior and Local Government (DILG) tapno ammoen no kasano nga ipasigurado dagiti pagadalan ti kinatalged ken no kasano da nga agtignay kadagiti pangta.
Innayon ni Angara a ti panagsukisok ket makatulong iti panangpatibker ti operational framework a mabalin a maaramat kadagiti pagadalan iti panagresponde ti krisis.
