Idurduron ni Department of the Interior and Local Government (DILG) Secretary Jonvic Remulla nga yakar ti Bureau of Jail Management and Penology (BJMP) iti panangidaulo ti Department of Justice (DOJ).
Iti panagdenggeg ti House Committee on Appropriations iti 2027 budget iti DILG, inreklamo ni ACT Teachers party-list Rep. Antonio Tinio ti kaso iti sumagmamano a persons deprived of liberty (PDL) a rumbeng ket nawaya-wayaanen ngem gapu ta nagulo iti papelda ket saan a winaya-wayaan ti BJMP.
Gapu dayta ket kinuna ni Remulla a kayatda nga yakar iti BJMP babaen ti panangidaulo ti DOJ manipod iti DILG tapno mapadaras a mawaya-wayaan dagiti PDL a rumbeng a makaruaren ta iggem ti justice department dagiti papelda.
Inanamungan pay ni Remulla a saan laeng a BJMP ti mayakar iti DOJ no diketdi pati ti municipal ken provincial jails.
Iti agdama, ti municipal ken city jail a maibalablud dagiti PDL bayat a madengdenggeg iti kasoda ken no masentensyaanda ket mayakarda iti National Bilibid Prison nga idadauluan ti Bureau of Corrections iti salinong ti DOJ.
