Kwinestion ni Davao City 1st District Rep. Paolo Duterte ti constitutionality iti nagbalin a decision ti Senado kas impeachment court a baliwan ti threshold para iti conviction ken ni Vice President Sara Duterte.
Segun ken ni Baste, nailanad iti Konstitusion a kasapulan ti concurrence ti two-thirds ti “all the members of the Senate,” isu a ti panangbaliw iti wagas iti panagbilang ket saan laeng a patangan ti parliamentary arithmetic no di ket maysa a constitutional question.
Kunana a no mayuli iti Supreme Court ket nasken a ti high court ti agdesision no mayataday iti Konstitusion ti interpretasion ti Senado.
Binabalaw pay ni Duterte ti kritisismo kadagiti sumagmamano a senador ken iti proseso ti impeachment, agraman ti alegasionna a mabalin a maimpluwensiaan ti political ambitions dagiti dadduma nga addang, idinto nga impaganetgetna a nasken nga agpannuray ti paglintegan.
