Naiserbin dagiti otoridad ti arrest warrant kontra ken ni dati nga House Speaker ken agdama a Leyte 1st District Rep. Martin Romualdez bayat a naka-confine iti Cardinal Santos Medical Center.
Kumpirmado manipud ken ni Department of the Interior and Local Government (DILG) Secretary Jonvic Remulla nga opisialen a maibilang a person deprived of liberty ti dati nga House speaker kalpasan nga inawat na ti warrant.
Dagus a naidalan ni Romualdez kadagiti kasapulan a booking procedure ken panangibasa dagiti karbengan na iti panangidaulo dagiti otoridad iti uneg mismo ti ospital.
Naitaray iti ospital ti agpampanday linteg kalpasan a makarikna ti cardiovascular event, panagngato ti blood pressure, ken anxiety attack kalpasan a naammuan na ti panagirruar ti bilin ti Sandiganbayan.
Impasigurado ti gobierno a dagus a maiyakar ni Romualdez iti Quezon City Jail idiay Payatas no mangted ti clearance dagiti medical expert a mabalin isunan a rummuar.
