--Ads--
Naingato iti P5 ti plete dagiti pasahero kadagiti sumagmamano a ruta iti Metro Vigan kalpasan a nagkiddaw ti Federation of TODA iti fare increase gapu iti agtultuloy a panagpangina ti presio ti gasolina.
Iti pannaki-uman ti Bombo Radyo Vigan ken ni City Councilor Nestor Pajaro, naibasar ti nayon a plete iti ordinansa a mangidalan iti P5 a nayon a plete no umabot iti P15 ti nguminaan ti gasolina.
Kabayatanna, napalagipan dagiti tricycle driver a sumurot iti naituding a plete.
Para met kadagiti pasahero a makapadas iti nangina a singir ti plete, mabalin ti mapan agreklamo iti Public Safety Office tapno matignayan ti reklamo kontra iti drayber a naglabsing iti naituding a plete.
-- ADVERTISEMENT --
