Mangbukel ti Department of the Interior and Local Government ti Quick Reaction Forces kadagiti rehiyon ken siudad iti pagilian tapno masigurado ti dagus a panagresponde iti security concerns kadagiti pagadalan.
Daytoy ket kasaruno ti panagadu pay dagiti pagadalan a makaaw-awat ti pangta.
Segun ken ni Secretary Jonvic Remulla, mangar-aramid ti DILG ken Philippine National Police ti sistema a mangted dalan kadagiti otoridad ti dagus a panagresponde kadagiti pangta ken dadduma pay nga emergency kadagiti pagadalan.
Iti agdama, dagiti pribado a pagadalan ket obligado nga agisayangkat ti bag inspections babaen iti security personnel da, bayat a pagtalinaeden ti pulisia ti presensia iti irruar dagiti pampubliko a pagadalan.
Mai-deploy pay dagiti barangay tanod iti uneg ti pampubliko a pagadalan iti panangkita dagiti bag dagiti sumsumrek iti campus.
