Nangipaay ti tulong iti Bureau of Customs (BOC) kadagiti apektado nga agindeg ti ginggined idiay Cebu manipud kadagiti forfeited ken abandoned a produkto.
Inaramatda iti C130 ti Philippine Airforce a nangikabilan-da ti 100 a sako ti bagas, 56 a rapid emergency tents, nasurok 1, 000 nga shortened tents, 50 units ti mobile power supply ken maysa a portable toilet.
Segun ken ni BOC Commissioner Ariel Nepomuceno, daytoy iti umuna a paset ti tulong manipud kaniada gapu ta manamnama ti maikadua a replenishment kas paset iti agtultuloy a panangtulong-da kadagiti residente ti Cebu.
Ti addang ket kas panangsurot ti direktiba ni Presidente Ferdiannd Marcos Jr. nga amin nga ahensia ket nasken a tumulong kadagiti naapektaran.
Kabayatanna, naawaten iti Office of the Civil Defense dagiti nasao a donasyon. – Reynand Fontejon
