Impakaaammo ni Fr. Gerardo Saco Jr. a saanan nga ituloy ti panagtugaw kas baro nga Obispo iti Tagbilaran, mano a lawas sakbay iti nakaituding nga ordination-na ita Mayo.
Iti official statement iti Catholic Bishops’ Conference of the Philippines (CBCP), nagkiddaw ti pammakawan ken panagawat ni Fr. Saco iti inawaganna a “change of heart” wenno panagbaliw ti pangngeddengna.
Iti baet a saannan nga ituloy ti panagbalinna nga Obispo ket siguradoenna nga agtultuloy iti panagserbina kas maysa a padi.
Maipalagip a dinutokan ni Pope Leo XIV ni Saco idi napalabas a bulan tapno agtugaw iti puesto a pinanawan ni Archbishop Alberto Uy, a naiyakar idiay Cebu idi September 2025.
Nakaituding koma iti episcopal ordination ken installation-na inton May 26.
Kinumpirmaran met ni Archbishop Uy nga inawat ti Vatican ti pangngeddeng ni Saco kalpasan a naidanon iti Santo Papa babaen iti Papal Nuncio.
