--Ads--
Nakemmeg ti maysa a lalaki kalpasan a naalaan iti nasurok-kumurang 72.14 a gramo iti mapapati a shabu iti naisayangkat a buy-bust operation idiay Lidlidda, Ilocos Sur itay bigat, May 25, 2026.
Ti suspek ket agtawen iti limapulo ket uppat, naasawaan nga agnaed idiay Gregorio del Pilar.
Iti panagtitinnulong dagiti otoridad ket nakemmeg ti suspek iti operasyon a nakaalaan kenkuana iti drug evidence a 72.14 a gramo iti mapapati a shabu nga aggatad iti P490,552 a naipan iti uppat a piraso iti heat-sealed transparent plastic sachet.
Naala pay ti non-drug evidence a maysa a piraso iti genuine P1,000 a nagserbi a buy-bust money, maysa a piraso iti sigarilyo, maysa a cellphone, driver’s license iti suspek ken maysa a silver Toyota Innova.
-- ADVERTISEMENT --
