Kiddawen ti National Bureau of Investiagtion iti Philippine National Police a kanselaen ti lisensya dagiti paltog a nakarehistro ken ni Senador Ronald Bato Dela Rosa.
Segun ken ni NBI Director Melvin Matibag, ti senador ket adda sangsangoen na a warrant of arrest ti International Criminal Court ket maibilangen nga “armed and dangerous” iti salinong ti masursurot a protocol.
Segun ken ni Matibag, adda nasurok sangagasut a paltog iti maipagarup a nakarehistro iti nagan ni senador Dela Rosa, pakairamanan ti high-powered firearms, pistols, ken shotgun.
Pinasingkedan ti ahensia a nakarehistro idiay Davao dagiti nadakamat a paltog ken plano da nga agipatulod ti pormal a surat iti PNP Firearms and Explosives Office para iti posible a kanselasion dagiti lisensya.
