Awan ti aniaman a tulong ni Vice President Sara Duterte iti panagsagana ken pannakaisayangkat ti Association of Southeast Asian Nations (ASEAN) Summit iti pagilian.
Daytoy ti nagbalin a bwelta ti Malakanyang iti bise presidente kalpasan a babalawen na a saan a maipagarup nga agtar-tarabaho ni Presidente Ferdinand Marcos Jr.
Segun ken ni Palace Press Officer Atty. Claire Castro, saan nga ammo ni VP Sara no ania ti ar-aramiden ti presidente.
Nakita ti publiko nga agdama nga adda iti Cebu ni presidente Marcos ken agtar-tarabaho para iti ASEAN summit, ngem sakbay daytoy ket nagbalin a busy iti panangkita ti sitwasion idiay Albay kalpasan ti panagalboroto ti Bulkan Mayon.
Agdama pay a kitkitaen ti presidente ti panangipaay ti serbisio kadagiti barangay tapno mangted ti bagas ken pondo iti salinong ti Bawat Barangay at Bawat Bayan Makikinabang program.
