Naisayangkat ti bilateral meeting iti nagbaetan da President Ferdinand Marcos Jr. ken kabarbaro a nadutokan a Vietnamese Prime Minister a ni Le Minh Hung iti sidelines iti ASEAN Summit idiay Cebu.
Nagsentro iti bilateral talks dagiti dua a lider iti pananglawa ti kooperasyon tapno masango iti parikot iti transnational crimes karamanen ti scam hubs ken human trafficking, ken panangpapigsa ti kolaborasyon iti turismo.
Nagtulag ti presidente ken Vietnamese Prime Minister a mangidatag iti napaut a mekanismo ti trade iti bagas tapno masigurado ti natibker a suplay ken mapapigsa ti kooperasyon iti seguridad iti taraon iti nagbaetan ti Pilipinas ken Vietnam.
Iti napasamak a bilateral meeting ket impaganetget dagiti dua a lider ti kinapateg ti 50th anniversary ti Philippines-Vietnam bilateral relations, ken agpada a nangibingay ti talek para iti natibtibker a kooperasyon kangrunaan iti trade ken ekonomia.
Kagiddan dayta ket kinablaawan ti presidente ti prime minister iti baro a puestona ken indanonna iti nabara a panangawat kenkuana ta isu ti kaunaan a panagdar-ayna iti ASEAN Summit.
