Impakaammo da Department of the Interior and Local Government Secretary Benhur Abalos ken Philippine National Police Chief PGen. Rommel Francisco Marbil a ti nadiskubre a bangkay idiay Barangay Sta. Lucia, Capas, Tarlac ket bangkay da beauty pageant candidate Geneva Lopez ken nobyona a ni Israeli Yitshak Cohen.
Ti addang ket kalpasan a naisayangkat ti nainget nga imbestigasyon ti SITG-GENESAAC.
Segun ken ni Marbil, siguradoenda a maipaay ti hustisya kadakuada kalpasan ti heinous act.
Naisayangkat ti panagsapul iti nasao a quarry sites idiay Capas, Tarlac kalpasan a nangiruar ti search warrant iti korte.
Naipan dagiti bangkayda iti punerarya idiay San Vicente, Tarlac ken naidalan ti autopsy examination ken DNA testing wenno analysis.
Maipalagip a napukaw dagiti agayan-ayat idi June 21, 2024 ta nakisinnarak ti maysa a middleman iti daga a paggatanganda koma.
