Impakaamo ti Philippine National Police (PNP) ti bimmaba a mairekrekord a panaglabsing dagiti maipatpatungpal nga ordinansa iti salinong ti Safer Cities Initiative iti Department of the Interior and Local Government (DILG).
Maibasar iti listaan, manipod iti nasurok 11,000 a nairekord idi April 6, umaboten iti nasurok 6,500 dagiti nagbalin a violators idi April 19.
Segun ken ni PNP Spokesperson and Public Information Office (PIO) Chief PBGen. Randulf Tuano, dagiti nagbaliwan iti listaan a mairekrekod dagiti otoridad ket gapu ta nagbalin nga aware ken ngimmato ti compliance dagiti umili kadagiti ordinansa.
Kaaddoan a nairekord a naglabsing ket iti Northern Police District (NPD), sinaruno iti Southern Police District (SDP), ken Quezon City Police District (QCPD).
