--Ads--
Maysa a babai ti nakemmeg iti naiwayat a raid iti karinderya nga agilaklako iti karne ti aso iti ili ti Magsingal, Ilocos Sur.
Ti operasyon ket babaen iti panagtitinnulong ti Animal Kingdom Foundation, Philippine National Police ken ti Soi Dog Foundation
Iti pannaki-uman ti Bombo Radyo Vigan ken ni Atty. Heidi Caguioa, sakbay ti operasyon ket adda pay naaramid a test-buy tapno makumpirmaran no pudno met laeng dagiti maidandanon kadakuada mainaig iti nasao a banag.
Innayon ni Caguioa nga adda pay dagiti sibubukel nga a saan pay naluto nga ilaklakoda.
-- ADVERTISEMENT --
Ti suspek a natiliw ket sumango iti kaso a panaglabsing iti Anti-Rabies Act.
Nupay kasta, namnamaenda a saanen a maulit ti kastoy a pasamak ta adda kaibatuganna a pannusa.
