Pinaglibakan ti Office of the Senate Sergeant-at-Arms (OSAA) ti agwarwaras nga impormasyon iti social media a mapapati nga awan ti CCTV footage iti maikadua a kadsaaran iti Senado maipanggep iti panagpinnaputok iti OSAA personnel ken National Bureau of Investigation (NBI) agents idi Mierkules.
Segun ti OSAA, fully operational ti CCTV system iti concerned areas iti masakupan ti Senado.
Kinuna ti OSAA, idi Huebes ket nakaawat isuna iti opisyal a request manipod iti Philippine National Police Criminal Investigation and Detection Group (PNP-CIDG) Regional Field Unit National Capital Region para iti kopya iti CCTV footage iti pannakikammayet kadagiti otorisado a kameng ti PNP.
Siguradoen ti OSAA nga agtultuloy iti pannakitinnulongda kadagiti lehitimo nga imbestigador ken impatangkenda iti transparency, accountability ken seguridad iti Senado kas institusyon.
