Mapukpukaw ni Michelle Bautista Ducyapeo, agtawen iti tallopulo ket uppat, balasang, dati nga overseas Filipino worker nga agnaed idiay Sitio Dagman, Barangay Poblacion, Quirino, Ilocos Sur.
Segun iti Quirino Municipal Police Station, nagreport da Ernesto ken Felomina Ducyapeo a nagannak ni Michelle kaduada ni Quirino Municipal Social Welfare Development Officer Aida Casiangen Daiwey ket impakaammoda iti pannakapukaw ni Michelle manipod pay idi August 2024.
Pinasingkedan dagiti nagannakna a sakpay a napukaw ti anakda ket impakaammona nga agtrabaho idiay Saudi Arabia kas caregiver ngem agingga ita ket saan pay nga ammo iti ayanna.
Ti mapukpukaw ket 4’11” iti katayagna, kalalaingan ti pammagina ken fair complexion.
Kiddaw dagiti pannakabagi ti linteg ken pamiliana a nu adda ammo maipanggep ti impormasyon ti mapukpukaw ket ipakaammo laeng kadakuada.
