Naalaan ti maysa a newly identified Street Level Individual (SLI) iti nasurok-kumurang 3.2 a gramo iti mapapati a shabu ken maysa a paltog idiay Magsingal, Ilocos Sur idi kalman April 20, 2026.
Iti pannakakemmeg ti SLI a residente iti nasao nga ili ket babaen ti naisayangkat a search warrant operation para iti panaglabsing ti Republic Act 9165 ken Republic Act 10591 a napetsaan idi April 15, 2026 nga inruar ti Judge iti RTC Ilocos Sur.
Naala kenkuana ti nasurok-kumurang 3.2 a gramo iti mapapati a shabu nga aggatad ti P21,760 a naipan iti maysa a heat-sealed transparent plastic ken maysa nga opened transparent plastic sachet.
Ti met non-drug evidence a naala ket maysa nga Smith ken Wesson caliber .38 revolver, lima a calber .38 ammunitions ken maysa a black coin purse.
