Umabot iti nakurang 3,000 a delegado agraman dagiti virtual participant ti nakipaset iti Philippine Pharmacists Association 2026 National Convention a narugian idi kalman iti Chavit Coliseum, Tamag, Vigan City ken agpaot agingga April 24, 2026.
Iti pannaki-uman ti Bombo Radyo Vigan ken ni Judylyn Hidalgo, President iti PPhA Ilocos Sur-Abra Chapter President, maibilang a pakasaritaan daytoy a convention para kadakuada ta umuna a gundaway nga ag-host ti nasao a chapter.
Tinawen a maang-angay iti nasao a convention a pakatipon-tiponan dagiti pharmacist iti pagilian tapno makasursuroda manen kadagiti banag a mabalin a mangnayon iti ammoda iti panagbalinda a pharmacist.
Dagiti speaker ket pakairamanan dagiti aggapu iti ballasiw-taaw ken adda met dagiti naggapu iti national office.
