--Ads--
Narambakan ti Kabaybayan Seafoods Festival iti ili ti San Esteban, Ilocos Sur.
Ita a 2026, isun ti maikalima a tawen a marambakan ti kinasagana ti marine resources ti ili.
Narambakan daytoy babaen iti boodlefight a ti nagsasangwan a taraon ket dagiti nakalapan kas koma ti lobster, pasayan, tuna, ikan, kappi, seashells, seaweeds, ken maritangtang.
Ti selebrasion ket indaulwan ni Mayor Maria Divina Gracia Elaydo-Etalin, kaduana dagiti municipal ken barangay official ken dagiti payen agindeg.
-- ADVERTISEMENT --
Nagyaman met ti mayor iti Provincial Government of Ilocos Sur babaen ken ni Governor Jerry Singson a tinawen a dumardar-ay ken mangsupsuporta iti nasao a parambak tapno ad-adda pay a maital-o ti turismo.
