Nadunor ti ulo ken dadduma a paset ti bagi ti maysa a lalaki a nagmaneho iti motorsiklo kalpasan iti pannakaaksidentena iti national highway idiay Barangay Bitalag, Tagudin, Ilocos Sur idi kalman April 20, 2026.
Ti nagmaneho iti motorsiklo ket agtawen iti duapulo ket maysa, addaan ti live-in partner, vulcanizer nga agnaed idiay Barangay Libtong, Tagudin.
Sakbay iti aksidente ket agturong iti laud a direksyon wenno Tagudin-Mountain Province Road iti nasao a lugar ti nasao a nagmotorsiklo idi nadanonna iti nasao a lugar ket nag-overtake ti nakamotorsiklo kadagiti lugan nga adda iti sangona ngem gapu ta saan a patas iti kalsada ket naawanan iti kontrol ti manibelana a gappuanan ti pannakatimbana ken nag-slide iti pavement ti kalsada.
Gapu iti dunor iti ulo ken agduduma a paset ti bagi ti driver ket naipan iti Ilocos Sur District Hospital, Barangay Bio, Tagudin para iti pannakatamingna.
Saan a nakasuot ti driver iti helmet ken naammoan a naka-inom iti arak idi napasamak iti aksidente.
