Nagpanawagan ni dati a Presidential Spokesperson Atty. Harry Roque iti publiko a makikaysa iti People Power para iti panagbaba iti puesto ni Pres. Ferdinand Marcos Jr.
Kinunana a mapasamak iti mapapati a People Power iti Forbes Park a pagnanaedan dagiti sumagmamano a karaman iti maanomalya a flood control projects.
Segun ken ni Roque, husto laeng nga iti arubayan dagiti korap a politiko iti pakaisayangkatan iti rally tapno mariknada iti rurod dagiti umili iti korapsyon.
Impaganetget ni Atty. Roque a rumbeng a pabasolen iti korapsyon ni Pres. Ferdinand Marcos Jr. ta isuna iti mangidadaulo iti pagilian.
Mapapati a saan a maaramid iti agtakaw iti dakkel a kuarta iti gobierno da dati a House Speaker Martin Romualdez ken dati a Rep. Zaldy Co nu awan iti pammalubos ni Pres. Marcos.
Pinabasol pay ni Roque dagiti Marcos nga ar-aramatenda iti gobierno ken pagbalbalinenda a negosyo tapno agpabaknang.
