--Ads--
Nadunor ti nadumaduma a paset ti bagi maysa a nagmotorsiklo gapu iti pannakaidungparna iti nai-parking a motorsiklo idiay Danuman East, Sta Maria, Ilocos Sur.
Ti nagmotorsiklo ket maysa a lalaki nga agtawen iti innem a pulo ket uppat, tubo iti ili ti San Juan ngem agdama nga agnaed iti Barangay Gusing, Sta. Maria.
Agpapadaya ti nagmotorsiklo iti barangay road ket idi makadanon iti sharp curve a paset ti kalsada, saan a nakontrol ti drayber ti luganna ket naidungpar iti maysa a Yamaha NMAX a kukua ti lalaki a taga-Tinaan, Sta. Maria.
Gapu iti dunor a sinagrap ti drayber ket naipaagas iti ospital para iti pannakatamingna.
-- ADVERTISEMENT --
Naduktalan a nakainom ti drayber idi mapasamak ti aksidente.
