Nakasagana ti Armed Forces of the Philippines nga i-sakripisio ti biag da tapno depensaran ti teritoryo ti pagilian pakairamanan ti sakop iti exclusive economic zone (EEZ) ken Kalayaan Island Group (KIG).
Inkalintegan ni Navy spokesperson for the West Philippine Sea Rear Admiral Roy Vincent Trinidad a nagsapata da nga protektaran ti pagilian manipud iti amin a pangta ti lokal ken dagiti gangannaet.
Saan met a dinakamat ti Navy official no kaano a kasapulan nga aramiden ti AFP ti panag-sakripisio da ngem aramiden da amin a mandato aniaman ti agbalin a kasukat.
Daytoy ket iti baet ti statement ti sumagmamano nga opisial ti Pilipinas partikular ken ni Senador Rodante Marcoleta nga imbaga na nga addan iti iruar ti exclusive economic zone ti Pilipinas ti Kalayaan Island Group.
