Kinumpirmaran ti Philippine Coast Guard (PCG) a maysa a barko iti China Coast Guard (PCG) ti nakita iti kabaybayan iti Zambales.
Segun ken ni PCG Spokesperson for the West Philippine Sea Rear Admiral Jay Tarriela, linapdan ken napapanaw ti CCG Vessel 4305 nga adda iti kaadayo a 48 nautical miles laeng manipod Pandaquit, Zambales.
Nakita iti nasao a barko maibasat iti Dark Vessel Detection iti Canada ken nakumpirmaran iti naisayangkat a maritime domain awareness flight.
Namin-ano a daras a nag-radio challenge iti eroiplano iti PCG ngem saan a binigbig iti barko iti China.
Malaksid iti air assets, indeploy ti PCG iti BRP Cape San Agustin ket intuloyda iti nag-radio challenge tapno kwestyunaran ti legal a pagbasaran ti panagtalinaed iti uneg iti Exclusive Economic Zone iti pagilian.
Segun ti PCG, saanda a baybay-an a pagbalinen a normal ti illegal a panagpatrolya iti China iti kabaybayan iti Zambales ta panaglabsing dayta iti UNCLOS, Philippine Maritime Zones Act ken iti 2016 Arbitral Award.
