Pormal nga inawat ti Armed Forces of the Philippines (AFP) ti donasyon a medical equipment ken supplies nga aggatad ti P12 million bayat ti flag-raising ceremony iti General Headquarters Canopy, Camp General Emilio Aguinaldo.
Ti donasyon ket nagtaud idiay New South Wales, Australia-based Sydney Shrine Club (SSC) nga indauluan ti Association of Reservist Administrators of the Philippines Inc. iti pannakikammayet iti Office of the Deputy Chief of Staff for Reserve Force Development (OJ9).
Inawat ni AFP Chief of Staff Gen. Romeo Brawner iti donasyon manipod ken ni SSC President Lt. Col. Raul Amor a kinadua ni Brig. Gen. Danilo Dupiag ken Lt. Col. Michael Odylon “Mikee” Romero ken chairperson iti ARRAPU Board of Trustees.
Karaman kadagiti donasyon iti medical equipment ken live-saving devices ken essential items a maiwaras iti agduduma nga AFP hospitals ken field units tapno mapasayaat ti healthcare capabilities iti military kas panangsuportar dagiti personnel ken dependents-da.
