--Ads--
Nagiruar ti pakdaar ti United States Embassy idiay Manila kadagiti American nationals kontra iti pannakibinnulig kadagiti grupo nga insurgent kas ti New People’s Army (NPA), armado a sangay ti Communist Party of the Philippines (CPP).
Segun ti Embahada, ibilang a “foreign terrorist organization” ti NPA ti US ken Pilipinas ken aniaman a mangpa-asideg daytoy ket “grave risk of arrest, injury, or death.”
Naited ti pakdaar kagiddan ti napainget nga operasion ti Armed Forces of the Philippines laban kontra iti NPA.
Binalakadan pay ti Embahada dagiti Amerikano a dagus nga agkiddaw ti tulong no isuda ket mairaman kadagiti grupo nga adda pakainaigan na iti terorismo wenno armado a panaglaban iti gobierno.
-- ADVERTISEMENT --
