--Ads--
Dinungpar ti China Coast Guard (CCG) ti barko ti Bureau of Fisheries and Aquatic Resources (BFAR) a BRP Datu Magat Salamat iti kabaybayan ti Palawan.
Daytoy ket kabayatan ti panangipatulod da ti tulong a krudo kadagiti mangngalap a Pilipino iti West Philippine Sea.
Segun iti Philippine Coast Guard (PCG), nadadael ti starboard side wenno kannawan a paset ti barko ti BFAR gapu iti pannakadungpar na.
Gapu iti insidente, naikkat dagiti barandilias, metal support, deck fixtures, ken dadduma pay nga alikamen ti barko.
-- ADVERTISEMENT --
Agtultuloy ti panagmonitor dagiti otoridad iti kasasaad dagiti tripulante ken ti barko bayat ti panangkontak da kadagiti maseknan nga ahensia para iti sumaruno nga addang.
