--Ads--
Nainget a kinondenar ti West Philippine Sea (WPS) Bloc iti Kamara ti saan a maawat ti panangraut ti China Coast Guard iti maysa a kameng ti Philippine Navy idiay Ayungin Shoal.
Segun ken ni Akbayan Party-list Rep. Chel Diokno a paset ti WPS Bloc iti Kamara, ti baro a naranggas nga insidente ket pammaneknek a rumbeng a maipasa ti House Bill No. 1625, wenno ti naisingasing a West Philippine Sea Mandatory Education Act.
Babaen ti singasing, mairaman ti pakasaritaan ti West Philippine Sea kadagiti leksion dagiti pribado ken publiko a pagadalan iti intero a pagilian.
Inyunay-unay ni Diokno a daytoy ket wagas tapno maammuan ken maawatan ti tunggal Pilipino ti karbengan, pakasaritaan ken kinapudno mainaig iti WPS a paset ti teritorio a pagilian.
-- ADVERTISEMENT --
