Kinondenar ni PCG Spokesperson for the West Philippine sea Rear Admiral Jay Tarriela ti insawang ni Chinese Ambassador Jing Quan a nalaka nga agballigi ti China nu aramaten da ti puwersa iti Pilipinas, kinunana nga maibilang daytoy a pangta iti kinatalged ti pagilian.
Impaganetget ni Tarriela nga saan a rumbeng nga agyaman ti Pilipinas iti China iti haan da nga panagaramat iti Puwersa kabayatan nga agtultuloy ti panaglabsing da iti karbengan ti Pilipinas iti West Philippine Sea.
Karaman kadagiti naireport nga insidente ti panagaramat da iti water cannon ken pananglapped ti Chinese Coast Guard iti BRP Cabra kabayatan ti panangitransport da iti masakit a suldado manipod BRP Sierra Madre idiay Ayungin Shoal, a nagresulta ti nasurok tallo nga oras a pannaka delay ti medical evacuation ti nasao nga suldado.
Kabayatan na, Pinapanaw ti PCG dagiti bangka nga a pangkalap ti China a nasaripatpatan asideg iti Lawak Island idiay Kalayaan, Palawan, kalpasan ti mapapati nga haan da panag response iti maulit-ulit a radio Challenge.
