Indauloan ni Presidente Ferdinand Marcos Jr ti Change of Command and Retirement Ceremony ti Philippine Navy, no sadino binigbig ken pinagyamanan na ti dua a tawen a serbisio ni Vice Admiral Jose Ma. Ambrosio Q. Ezpeleta kas Flag Officer in Command.
Kagiddan daytoy, inallukoy ni presidente Marcos ti baro a Navy Chief a ni Vice Admiral Alan M. Javier nga ituloy ti aniaman a narugyan nga addang iti. Modernisasion ken panangpapigsa ti kabaelan ti Philippine Navy tapno maprotektaran ti teritoryo ken karbengan iti kabaybayan ti pagilian.
Iti salinong ti panangidaulo ni Ezpeleta, pinpigsa ti Navy ti external defense operations ken presensia da iti West Philippine Sea, kasta pay ti panagala dagiti baro nga alikamen iti kabaybayan, panangpapintas dagiti pasilidad, ken panangpalawa ti pannakitinnulong iti sabali a pagilian.
Pinasingkedan ni Marcos ti kinapateg ti agtultuloy a panangidaulo kadagiti kameng ken alikamen ti Navy tapno masalwadan ti teritoryo ti Pilipinas.
