Binabalaw ti Chinese Embassy idiay Manila ti Amerika kalpasan a kinondenar ti US Embassy ti pananglapped dagiti barko ti China iti rotation ken resupply mission ti Pilipinas a mapan idiay Ayungin Shoal.
Immunan nga impaganetget ni US Ambassador to the Philippines Lee Lipton a nagaramat ti China Coast Guard ken People’s Liberation Army Navy ti “dangerous blocking”.
Segun iti Armed Forces of the Philippines, tallo a PLAN warships ken lima a China Coast Guard vessels ti nakibiang iti mission, rason tapno temporario nga ipasardeng ti operasion para iti kinatalged dagiti kameng ken barko.
Bimmwelta met ti Chinese Embassy ket pinasingkedan da a ti Pilipinas ti nagisayangkat ti maipagarup a “provocative ken unlawful actions” iti Ayungin Shoal.
Imbaga pay ti China a maipagarup a linabsing ti Pilipinas dagiti immuna a nagtulagan ken Declaration on the Conduct of Parties in the South China Sea.
