Nainget a kinondenar iti Senado ti China iti panangdangran ti kameng ti Philippine Navy (PN) nga agbambantay idiay Ayungin Shoal iti baet a teritoryo iti Pilipinas ti lugar nga illegal a serserken ti Beijing.
Iti agsina a sarita, agpada a kinondenar ti China da Senador Bam Aquino ken Francis “Kiko” Pangilinan ti baro nga insidente iti China Coast Guard (CCG) iti uneg ti teritoryo iti Pilipinas idiay West Philippine Sea (WPS).
Kinuna ni Aquino a napalaud ti panangkondenarda iti agsasaruno a kinaranggas ken panag-insulto iti Pilipinas.
Dagiti nasao a pasamak ket masapul a suportaran ti Navy, Coast Guard, ken dagiti mangngalap tapno masigurado a masalakniban ti soberanya iti aniaman a panagserrek iti gangannaet.
Kinontra met ni Pangilinan ti panangserrek ken panangipit iti China kadagiti suldado a legal nga agbambantay iti teritoryo iti Pilipinas a pilit nga ag-agawen ti Beijing iti baet ti Arbitral Award iti lugar.
Inkalintegan ni Pangilinan nga adda dagiti Chinese iti teritoryo iti pagilian ngem isuda pay laeng iti adda ganasna a mangdangran.
Impaganetgetna a ti nasao a panangdangran ken panagaramat ti kinaranggas kontra kadagiti kameng iti pagilian ket panaglabsing ti GMRC ken iti obligasion dagiti estado iti salinong ti international law a lumiklik iti pangta ken panagaramat ti puersa.
