VIGAN CITY – Maysa a pasahero iti natay idinto a pitopulo ket maysa iti nadunor ta nakapadas ti severe turbulence ti maysa nga eroplano a Singapore Airlines.
Ti Boeing 777-300ER plane ket nag-emergency landing idiay Bangkok, Thailand.
Immunan nga inruar ti kompania a tallopulo ti nadunor iti mid-air disruption a naipan kadagiti ospital tapno mataming idinto a ti dadduma a biahero ket nakaawat ti outpatient care iti airport.
Nabigbig ti natay a ni Geoff Kitchen, agtawen iti pitopulo ket tallo a British man.
Pinasingkedan ti General Manager iti Bangkok’s Suvarnabhumi International Airport Kittipong Kittikachorn, iti preliminary investigation ket agsagsagaba ti heart condition ti natay.
Nasurok dugasut a pasahero ti eroplano iti naglugan pakairamanan ti lima a Pilipino ken adda pay sangapulo ket walo a crew.
Nagkiddaw ti pammakawan ti Singapore Airline ti napasamak ken nakipagladingitda iti pamilia ti natay a pasahero.
