Nangipatungpal ti Transport Ministry iti Thailand ti naing-inget a rail safety measures kalpasan ti panagdinnungpar iti tren ken bus iti Makkasan railway crossing a nakatayan walo a tattao ken nakadunoran pay ti tallopulo ket dua nga indibidwal.
Segun iti Deputy Prime Minister and Transport Minister ken Deputy Transport Minister ti Thailand, maaddaan ti 100% drug testing ken inaldaw nga alcohol test para iti amin a public transport drivers.
Pinasingkedan pay ti gobierno nga awan ti maprotektaran no adda mapaneknekan a naglabsing iti insidente.
Karaman iti baro a pagannurotan ti saan a panagandar ti tren no saan a bumaba ti railway barriers, panangsimpa ti railway crossing systems at traffic lights, panangiparit iti sumagmamano a freight trains ken oil trains a sumrek iti inner Bangkok, ken panangiyakar ti freight operations iti outer stations. Reynand Fontejon
