Pina-atiddog ti Land Transportation Franchising and Regulatory Board (LTFRB) ti P10 kada litro a fuel subsidy para kadagiti pampasahero a jeepney ken UV express ti maysa a bulan, isu nga agtultuloy daytoy agingga Agosto.
Segun ken ni LTFRB Chair Vigor Mendoza II, naiyatiddog ti subsidy bayat a maad-adal ti pinal a decision kadagiti nakapenpen a petision para iti nayon a plete.
Para met kadagiti bus, pinasingkedan ni Mendoza a saan da pay a karaman iti fuel subsidy isu adda dua a pagpilpilyan pakairamanan ti i-ngato ti plete wenno iraman dagiti bus iti fuel discount program.
Nupay kasta, impaganetget ti opisial a dakkel ti agbalin nga epekto iti pondo ti gobierno no mairaman dagiti bus iti subsidy.
Makitaripnong ti LTFRB kada Executive Secretary Ralph Recto ken Transportation Secretary Giovanni Lopez tapno pagdesisionan ti agbalin nga addang para iti sektor ti bus.
