Personal nga inispeksion ni ASEAN National Organizing Council (NOC) Chair ken Executive Secretary Ralph Recto dagiti panagsagana ti pagilian para iti ASEAN Leaders’ Summit manipud Nobiembre 15 agingga 17.
Segun iti Office of the Executive Secretary (OES), gagem ti panagbisita a masigurado a naurnos ti taray dagiti panagsagana ken maar-aramid dagiti direktiba ni Presidente Ferdinand Marcos Jr. sakbay ti bukod nga inspeksion ti presidente.
Manamnama nga awaten ti Pilipinas ti nasurok 20 a lider manipud iti ASEAN member states, dialogue partner ken dadduma pay a kangrunaan a sanga-ili manipud iti rehiyon.
Indauloan da ASEAN ODGO Director General Hellen Dela Vega ken OES Undersecretary Roy Cervantes ti inspeksion kadua ti sumagmamano a miembro ti gabinete ken opisial ti ASEAN NOC.
