--Ads--
Nakitaripnong ni Executive Secretary Ralph Recto ti UPLIFT Committee idi napan a lawas tapno papigsaen ti gobierno iti epekto ti kumarkaro a tension idiay Middle East ken panagngato manen ti presio ti langis iti lubong.
Segun ken ni Recto, masapul nga agtignay ti gobierno tapno protektaran dagiti Pilipino iti posible a panagngato ti plete, presio ti taraon ken dadduma pay a magatang.
Impasigurado ti opisial nga agtultuloy ti panang-monitor ti gobierno ti sitawasion idiay Middle East ken ti posible nga epekto na iti presio ti langis, suplay ti taraon, inflation ken ekonomiya ti pagilian.
Pinasingkedan ti UPLIFT Committee a nakasagana da a nayonan ti ayuda no kumaro pay ti sitwasion.
-- ADVERTISEMENT --
