--Ads--
Indeklara dagiti otoridad ti Bangkok kas flood disaster kadagiti amin a limapulo a distrito kalpasan ti tallo nga agsasaruno nga aldaw a napigsa a tudo a nangitunda iti nakaru a layus.
Segun ken ni Bangkok Governor Chadchart Sittipunt, agarup tallogasut a milimetro ti tudo isu nga adu a kalsada, balay ken establisimiento ti nalayus.
Nabilin dagiti agindeg nga asideg kadagiti kanal nga agannad, yakar dagiti luganda iti nangatngato a lugar.
Nagpakdaar ti Department of Disaster Prevention and Mitigation a mabalin a mapasamak ti flash floods, river overflows, landslides ken mudslides iti dadduma a paset ti Thailand gapu iti low-pressure area agingga ita a lawas.
-- ADVERTISEMENT --
