--Ads--
Impakaammo ni Comelec Chairman George Erwin Garcia a marugyanen ti preliminary investigation iti reklamo nga adda pakainaiganna iti maipagarup a campaign donations ken ni Senador Chiz Escudero.
Nagiruar payen ti subpoena ti Comelec Law Department kadagiti contributor wenno donor a karaman iti kaso.
No maka-palawag dagiti donor ket dagus met a sumaruno nga agpalawag ti immawat a ni senador Escudero.
Inlawlawag ni Garcia a saan a karaman iti agdama nga imbestigasion ti immuna a motu proprio fact-finding inquiry ti ahensia gapu ta naggapu daytoy iti pormal a reklamo nga impila ti maysa a pribado nga indibidwal.
-- ADVERTISEMENT --
Adda pay baro a dokumento a masuk-sukisok ken masapul a sungbatan dagiti maak-akusaran.
