--Ads--
Kinanselar ti Commission on Elections (COMELEC) ti akreditasyon ti 50 a party-list groups gapu iti saanda a pannakipaset iti dua nga agsasaruno nga eleksion wenno saan a nakagun-od iti umdas a botos tapno maka tugaw iti Kongreso.
Iti sidong ti Resolution No. 11281 a naipaulog idi Oktubre 15, karaman dagiti party-lists ti Bayan Muna, Magdalo, BUHAY, RAM, ken BOSES kadagiti napukaw ti registration da.
Naipatungpal ti tignay maibasar iti Party-List System Act ken dagiti pagannurotan ti COMELEC, a mangipalubos iti pannaka kansela ti panag rehistro kalpasan ti abiso ken pannakadengngeg.
-- ADVERTISEMENT --
