Naiwayat ti search warrant operation kontra ti maysa a lalaki idiay Calongbuyan, Candon City, Ilocos Sur gapu iti panaglabsingna iti Republic Act 1059.
Ti suspek ket street level individual, agtawen iti duapulo ket siam, self-employed nga agnaed iti nasao a lugar.
Insayangkat dagiti otoridad ti search warrant operation kalpasan nga inruar ti Presiding Judge iti Regional Trial Court, Branch 71, Candon City a gappuanan ti pannakakemmeg ti suspek ken pannakakumpiskar iti tallo a piraso iti caliber .38 live ammunitions.
Bayat ti operasyon ket insuko ti suspek ti dua a piraso iti rolled aluminum used foil nga adda mapapati a burned shabu residue-na, maysa a piraso iti rolled aluminum used foil nga adda mapapati a shabu residue ken color red straw-na, tallo a piraso iti open transparent plastic sachet a maatap nga adda shabu residue-na, sangapulo ket pito a piraso iti crumpled aluminum foil a naipan iti self-sealing transparent plastic sachet, tallo a piraso ti lighter, dua a piraso iti red straw scoop, tallo a piraso iti transparent plastic sachet a naipan iti self-sealing transparent plastic sachet, maysa a piraso iti silver scissor, maysa a piraso iti needle, maysa a piraso iti plastic container ken maysa a set iti rolled aluminum foil.
Ti suspek ket nakakustodiyan iti Candon City Police Station tapno dumalan iti husto a proseso.
